我個新blog:

http://hk.myblog.yahoo.com/wendy-babe

u're welcomed to leave a message there... yo...

我隻狗狗識"Sit"啦!!!

好開心呀, 教左唔使一日就識sit啦,佢得兩個幾月咋，真係好叻狗呀!!!等佢再熟d"sit"呢個command,就會教佢hand hand，再之後教佢兩隻腳行，再跟住教佢倒立!!!!豬仔真係好得意呀,不過佢淨係聽我話同痴住我，唔會理我男朋友，哈哈。鬼咩!!!平時佢又唔照顧豬仔，d屎尿全部都係我執架咋!!!

今晚同男朋友and章老師去左稻香打邊爐，而我當然叫左隻我最最最鍾意食既大閘蟹啦!!!!真係好鬼好味呀!!!仲要$68一隻咋。而家諗起都流口水，如果一日三餐都可以食到大閘蟹就好啦!!

荃灣廣場好似大裝修呀,陸續會有大型店舖開張,咁遲d我就可以日日落去shopping唔使走到TST咁遠啦!!!快d開 快d開 快d開!!!

近排掛住照顧狗狗，真係忙到嘔，呢頭清潔完d大便，o個頭佢又痾過，想同佢梳下毛，佢又起勢咁郁，搞到好鬼興，而家要將佢困晌籠裡面，罰下佢!!!

我的朋友，不論你月入數十萬，或是拖地工人，都是我的好朋友。

愈來愈懷念讀書既日子,中學o個陣,同班同學一齊玩阿sir,小息狂食野,一年俾人記兩個小過,廿幾個缺點,放學就去商場食tea,上friends屋企玩。大學仲free,日日跳舞,夜晚就落hall 2食宵夜,跟住去friend d房度玩,對住個海傾計傾通宵,間唔中出埠跳舞搵錢...最重要既係,班朋友對自己無私心，大家對大家都好坦白，而家出黎做野好難好難搵到真心傾到計既朋友lu，哈... 一放工,第一時間就係想走!!!離外是非之地。除左阿鵬,章老師,強肥等幾個我信任得過既，其他人? 哈哈哈... 真係阿鵬o個句「還有皇法嗎?」不過,呢種感覺，好多畢左業既fds都有同感，出到黎做野又想返去讀書o個陣。始終，都係讀書時候識既朋友對自己最真心，工作時認識既同事係最「狗」，哈哈!!!聽晚啦，除左Daisy之外，可能會約埋十幾年無見既小學同學---方家麟出黎食飯，哈哈，方... 真係一件極品，三年級o個陣，佢試過食白膠'張'、鉛芯、大大聲鬧阿sir,總之諗得到既佢都做過... 十幾年無見啦,唔知聽晚約唔約到佢出黎呢?

距離多哈亞運，仲有3日!

距離接豬仔番屋企，仲有兩日!!!